Хакас тілінең пазылған хоос произведениелернің республика синіндегі II-ҷі марии чарлалча

Хакас тілінең пазылған хоос произведениелернің республика синіндегі II-ҷі марии азығ айының 1-ғы кӱнінде чарлалча.

Тӧреен тілібісті хайраллап халар ӱчӱн паза хакас тілінең пасчатхан писательлернің хоос узын кӧдірерге, олғаннарның хайин пос тілінең пазылған хоос произведениелерні хығырарына кӧктірерге, наа чайаачы устарның аттарын азарға тіп, ӧнетін марығ чарлалған.

Он сигіс час толдыр салған чир-сууғҷыларыбысты марығда аралазарға хығырчабыс. Марығда араласчатхан хоос тоғыстар ӧнетін олғаннарға пазыл парарға киректер. Азығ айының 01-ғы кӱнінең сығара силкер айының 31 кӱніне читіре тоғыстарны e-mail: Этот адрес электронной почты защищён от спам-ботов. У вас должен быть включен JavaScript для просмотра. электронай почтаға ызарға чарир.

Марығның чиңісчізі Хакас тілінің кӱнінде аарластығ пічік паза ахчалығ сыйых алар.

Парчан киректелчеткен пичіктерні пу ссылкаҷа иртсер таап аларзар: https://www.dlh19.ru/index.php/polozheniya/respublikanskij-literaturnyj-konkurs-khudozhestvennykh-proizvedenij-na-khakasskom-yazyke

Хоза сурығлар телефонҷа: 8(3902)225-378, Хакасияның чайаачылар туразының методизі Ирина Юсупова