Хакас тiлiнең пазылған хоос чайаачы тоғыстарының мариинаңар

Хакас тiлiнең пазылған хоос чайаачы тоғыстарының мариинаңар

 

2020 чылда, хоос хакас тiлiн тилiдерiне улуғ хайығ тартып, Хакасияның чайаачылар туразы пастағы хакас тiлiнең пазылған хоос тоғыстарның мариин иртiрген. Пу марығның пiр ле чиңiсчi полча, ағаа 50,00 муң ахча сыйлалчатхан. 2022 чылда Хакас тiлiнең пазылған хоос чайаачы тоғыстарның марии «Хакас тiлiн хайраллир паза тилiдер» тiп хазна программазына кiр парған, аның сылтаанда, сыйых пазы 80,00 муңа чит парған.

Пӱӱл марығ пизiнҷi хати иртiрiлдi, аннаңар хай-пiрее салтарларынаңар чоохтап пирерге чарир. Чоохтирға кирек: марығның чиңiсчiзi хоос тоғыс полча, ахчалығ сыйых тоғысты пасхан чайағҷы алча. Марығ чиңiсчiлерi:

2020 ч. – «Кiзi чуртазы – пiр хараа» (Тодинова И.Ф.). Пӱӱнгi кӱнде Хакасияның чайаачылар туразы сығарчатхан хакас тiлiнең пазылған кинделернiң редакторы ол полча;

2021 ч. – «Кӧӧлбек чӱрек» нымах (Балахчина (Тюмерекова) Л.А.). Ол нымах чарых ӧңнiг алынҷа кинденең сығарыл парған. Олох марығның «Кӧӧк ирепчi» (Топоева Ф.П.) нымағы марығның чарғыҷыларының кӧңнiне уғаа кiр парған. Соонаң, 2023 чылда, «Кӧӧк ирепчi» чарых ӧңнiг хоостығ «Олған-узахха» тiп серияда сығарыл парған. Чоохха килiскенде: пу нымахты ӱннендiр салғабыс, анзын Хакасияның чайаачылар туразының сайтында тыңнап аларға чарир;

2022 ч. – «Пут абызын» чоох (Карамчакова А.В.). Чиңiсчi чоох улуғ тоғыстың чардығы полтыр. 2026 чылда хазна заказы хоостыра, хакас тiлiнең пазылған «хыныстаңар ипчiлерге ӧнетiн пазылған роман» наа жанр тiп, А. Карамчакованың «Хыныстың тимiр чолы» романы сығар;

2023 ч. – «Хобый Адас» (Топоев И.П.) чиңiсчi, «Чуртас чолы» (Чертыкова В.Н.) ӧнетiн сыйых.

 

Сурығлар пар полза, сығдырадыңар: 8(3902) 22-53-78, Хакасияның чайаачылар туразы.

 

Дополнительная информация для СМИ по телефону: 8(3902) 225-378, Татьяна Шулбаева, методист Дома литераторов Хакасии